17 de xaneiro. Nova edición da milla diaria

Que ben o pasamos!!!!... e como está mellorando a nosa forma física!!!


17 de xaneiro. Visita ao Concello

Os rapaces e rapazas de 5° e 6° estiveron visitando e coñecendo o Concello de Vigo. Desfrutaron moito coas explicacións dos monitores sobre os espazos e actividades que se realizan alí, pero non tiveron a oportunidade de facerlle preguntas ao Alcalde (os máis maiores descubriron que fora ministro do goberno).

Foi unha actividade moi proveitosa e agradable, e por suposto tamén "sementaron"  un libro para que quen o atope desfrute da súa lectura.

16 de xaneiro: pensando no Dia Escolar da Paz e da Non Violencia

O Equipo de Normalización Lingüística ten fantásticas actividades pensadas para traballar e festexar o Día Escolar da Paz e da Non Violencia, entre as que podemos destacar a MILLA POLA PAZ, que faremos mentres cantamos a canción "Quérote máis" de Sonoro Maxín.
Á Xoaniña Rosmona encántalle esta canción e tararea con moito ritmo o retrouxo, como podedes ver no seguinte vídeo...



E se queredes desfrutar da canción, no seguinte enlace podedes desfrutala.
https://www.youtube.com/watch?v=tcP_Pyws2tY

14 de xaneiro: por fin chegou o paquete de Nadal!!!

Hoxe os nenos e nenas recibiron unha sorpresa estupenda no patio... a carteira deixara os agasallos de Papá Noel, o Apalpador e os Reis Magos na porta do cole. Un paquete enorme, que tiveron que levar varios rapaces e rapazas xuntos.
E despois do recreo xuntámonos todas e todos na biblioteca para abrir o agasallo: un montón de libros estupendos!!!! que fantástico!!! e tamén deixaron dous quebracabezas e dúas casiñas do 100.
(Preme na imaxe para ver un vídeo da xornada)

Agora Marga terá que catalogalos para que os poidamos desfrutar prontiño na biblioteca... Felices lecturas!!!

14 de xaneiro: entrega de premios das portas de Nadal.


Parabéns aos gañadores e gañadores,... e a todos e todas polo voso esforzo e creatividade!!!

13 de xaneiro: primeira sesión da milla diaria.

O xoves 10 de xaneiro realizamos a primeira sesión da MILLA DIARIA do ano. Comezamos facendo dúas voltas, aínda que algúns dos nenos e nenas maiores fixeron tres e catro e ata houbo quen fixo as seis voltas do percorrido (a milla).
O importante da actividade é que sexamos constantes na súa práctica para mellorar a nosa forma física e así consigamos sentirnos tamén mellor.
Todos os martes e xoves despois do patio compartiremos esta actividade tan estupenda, e no mes de febreiro poderemos comezar a aumentar as sesións.