MENUDO CLUB DE CIENCIAS QUE TEMOS!!

O CLUB DE CIENCIAS: UN ESPAZO PARA DESCOBRIR, CREAR E MEDRAR EXPERIMENTANDO

O CLUB DE CIENCIAS DO NOSO COLEXIO CONVERTEUSE NUN DOS ESPAZOS MÁIS DINÁMICOS, DIVERTIDOS E ENRIQUECEDORES PARA O ALUMNADO. A TRAVÉS DE ACTIVIDADES PRÁCTICAS, OS NENOS E NENAS ENTRASE NO MUNDO DA CIENCIA E DA TECNOLOXÍA DUN XEITO TOTALMENTE VIVENCIAL.

DURANTE ESTE CURSO, OS PARTICIPANTES ENREDARON EN PROXECTOS MOI DIVERSOS QUE ESPERMEARON A SÚA CREATIVIDADE:

• FORNOS SOLARES: CONSTRUÍRON PROTOTIPOS PARA COMPRENDER O PODER DA ENERXÍA RENOVABLE E O SUSTENTABLE.
• CATAPULTAS: EXPERIMENTARON COA FÍSICA, A FORZA E A TRAXECTORIA DE XEITO MOI DIVERTIDO.
• MESTURAS E QUÍMICA: XOGARON CON REACCIÓNS SORPRENDENTES QUE DESPERTARON A SÚA CURIOSIDADE CIENTÍFICA.
• ROBÓTICA: DESENVOLVERON O PENSAMENTO LÓXICO E O MANEXO DE NOVAS TECNOLOXÍAS PARA O FUTURO.

A IMPORTANCIA DESTE CLUB VAI MÁIS ALÁ DOS EXPERIMENTOS. ESTE ESPAZO COMPROBA QUE A CIENCIA NON SÓ SE ESTUDA NOS LIBROS, SENÓN QUE SE TOCA E SE CONSTRÚE. AO PASAR POLO CLUB, O ALUMNADO APRENDE A TRABALLAR EN EQUIPO, A BUSCAR SOLUCIÓNS A PROBLEMAS REAIS, A PERDER O MEDO AO ERRO E A DESENVOLVER UN ESPÍRITO CRÍTICO INDISPENSABLE PARA A SÚA VIDA. OUTRO GRAN ÉXITO DE APRENDIZAXE NO COLEXIO!

O NOSO PDI: CONSTRUCIÓN DE XOGUETES DE MADEIRA

NOS OBRADOIROS DE LIBRE CIRCULACIÓN, VINCULADOS AO PDI "RECONSTRUÍNDO O NOSO MONTE", O ALUMNADO CONSTRUÍU XOGUETES DE MADEIRA PARA AS AULAS DE EDUCACIÓN INFANTIL E PARA O PATIO.

PARA ISTO EMPREGARON, BAIXO A SUPERVISIÓN DO MESTRE, FERRAMENTAS DE CARPINTARÍA E OUTRAS MAQUINARIAS REAIS.

ESTA ACTIVIDADE AXUDOU A DESENVOLVER AS SÚAS HABILIDADES PRÁCTICAS E MANUALIDADES, PREPARÁNDOOS ASÍ PARA OS RETOS DA VIDA REAL.

O NOSO PDI: "THE GREAT OUTDOORS"

NO OBRADOIRO DE LIBRE CIRCULACIÓN DO TEACHER, O ALUMNADO INVESTIGOU SOBRE OS PARQUES NATURAIS DE EE.UU., LEVANDO COMO TÍTULO DITO PROXECTO:"THE GREAT OUTDOORS".

ESTA ACTIVIDADE RELACIÓNASE DIRECTAMENTE CO PDI DA BIBLIOTECA DESTE CURSO, TITULADO "RECONSTRUÍNDO O NOSO MONTE".

CON ESTA INICIATIVA PROMOVEUSE A CONCIENCIA ECOLÓXICA E O COIDADO DO MEDIO AMBIENTE DENDE UNHA PERSPECTIVA INTERNACIONAL E LOCAL.

OBRA DE TEATRO "CASTELAO NO SANTA MARIÑA"

Unha emocionante homenaxe a Castelao a través dos ollos da infancia

Os nenos e nenas de 2º curso do grupo "Lingua Mariña" sorprenderon e emocionaron a todo o público coa súa última representación teatral, unha peza que achega a figura de Alfonso Daniel Rodríguez Castelao dun xeito orixinal, próximo e moi creativo.

A obra, baseada nunha intelixente adaptación realizada polo propio grupo de "Lingua Mariña", parte dunha premisa máxica: o ilustre intelectual, escritor e debuxante viaxa no tempo para visitar as instalacións do noso colexio. Alí, mantén un tenro e enriquecedor diálogo con dúas alumnas do centro, que actúan como fío condutor para repasar os fitos máis importantes da súa vida, o seu amor por Galicia e o seu compromiso coa nosa lingua.

O máis destacado desta función foi:

• Interpretación natural: O alumnado demostrou unha gran soltura no escenario e un respecto admirable pola relevancia do personaxe.
• Guión adaptado: A viaxe temporal funcionou como a ferramenta perfecta para facer a biografía de Castelao accesible e divertida para todas as idades.
• Orgullo pola lingua: A peza reflectiu á perfección o espírito do grupo, poñendo en valor a nosa identidade cultural e o relevo xeracional.

Dende o colexio queremos felicitar a estes pequenos e pequenas grandes artistas e ao equipo de "Lingua Mariña" polo seu esforzo, sensibilidade e por manter viva a nosa memoria histórica con tanto talento. Parabéns polo éxito!

AS MOCHILAS VIAXEIRAS XA ESTÁN DE VOLTA ...

Misión cumprida! Volven as mochilas viaxeiras

Despois de todo un curso pasando de casa en casa, as nosas mochilas viaxeiras regresaron á biblioteca escolar.

Este ano cargáronse de momentos inesquecibles:

• Lecturas compartidas en familia.
• Mochilas cheas de maxia e aventuras.
• Sorrisos e aprendizaxes en cada fogar.
• Historias vividas polas nosas crianzas.

Queremos dar grazas de corazón a todas as familias por coidalas e formar parte desta gran viaxe literaria. Grazas por facer da lectura un hábito compartido!

"BIBLIOFAMILY" UN RECURSO PARA AS NOSAS FAMILIAS

Na nosa biblioteca escolar queremos que as familias tamén sexan protagonistas. Por iso, creamos a sección "Bibliofamily", un servizo de préstamo pensado especialmente para vós.

Neste recuncho poderedes atopar unha gran variedade de lecturas:

• Narrativa actual.
• Teatro e poesía.
• Libros de divulgación sobre crianza.
• Manuais de educación.

Animádevos a vir! A biblioteca do cole é un espazo aberto a toda a comunidade. Pasade, botade un ollo e levade en préstamo os libros que máis vos gusten. Agardámosvos!

AS COPLAS DOS MAIOS DO NOSO ALUMNADO

O alumnado de Primaria encheu de enxeño o colexio ao compoñer as tradicionais coplas dos Maios. Cun ton retranqueiro e moi crítico, os nenos e nenas non dubidaron en alzar a voz para protestar polas guerras, pedir melloras na comida do comedor e queixarse do exceso de tarefas escolares. Esta actividade permitiulles manter viva unha fermosa tradición galega mentres desenvolvían a súa creatividade e o seu espírito crítico.

O NOSO PDI: SAIMOS AO MONTE A DESCUBRIR A SÚA RIQUEZA

APADRINAMENTOS E AMADRINAMENTOS LECTORES

O apadriñamento e amadriñamento lector é unha actividade educativa onde os noso alumnado dos cursos superiores (os maiores do colexio) comparte momentos de lectura con nenos e nenas de cursos inferiores (os máis pequenos). Esta fermosa iniciativa convértese nun espazo de aprendizaxe mutua e convivencia a través dos libros.

Beneficios para os máis pequenos (Afillados/as)

• Aumento da motivación: Ver aos maiores ler con entusiasmo esperta o seu interese polos libros.
• Mellora da comprensión: Escoitar modelos lectores axúdalles a entender mellor as historias.
• Seguridade e confianza: Sentirse escoitados por un compañeiro maior reforza a súa autoestima.

Beneficios para os máis maiores (Padrinos/Madriñas)

• Desenvolvemento da responsabilidade: Asumen o compromiso de coidar e guiar a un neno máis pequeno.
• Mellora da fluidez lectora: Preparar as lecturas esixe que practiquen a entoación, a pronuncia e o ritmo.
• Empatía e paciencia: Aprenden a adaptar o seu ritmo ás necesidades e idades dos seus afellados.

Beneficios para o centro escolar

• Mellora da convivencia: Crea vínculos afectivos positivos entre diferentes idades e reduce os conflitos no patio.
• Fomento da cultura lectora: Transforma a lectura nun acto social, compartido e divertido dentro do colexio.
  
  
  
  

NOVAS EXPOSICIÓNS DE LIBROS POLOS CORREDORES

Os corredores do colexio énchense de vida coas novas exposicións de libros adicados ao monte, ao medio ambiente e á fauna. Ademais, a comunidade educativa conta cun recanto especial deseñado para deixarse inspirar polo legado de grandes figuras como Charles Darwin e Leonardo da Vinci. Estas mostras buscan espertar a curiosidade científica do alumnado e fomentar o amor pola lectura e o coidado da natureza desde o propio centro.

LECTURAS NA NATUREZA!

Os membros do club de lectura desfrutaron dunha enriquecedora saída ao monte da contorna para ler a versión infantil do libro "Invisible" de Eloy Moreno. Esta actividade ao aire libre non só fomentou o hábito lector nun entorno relaxante, senón que tamén promoveu a conexión coa natureza e o compañeirismo entre os participantes. A combinación de literatura e medio ambiente axudou a interiorizar mellor os valores de empatía e respecto que transmite a historia.

STORYTELLING SESSION EN INFANTIL

Os nenos de infantil desfrutaron enormemente do obradoiro de contacontos en inglés impartido pola auxiliar de conversa Rebekah. A través de divertidas historias e xogos dinámicos, os máis pequenos mergulláronse no idioma dun xeito natural e lúdico. Esta enriquecedora actividade permitiulles aprender novo vocabulario e mellorar a súa comprensión mentres pasaban un rato inesquecible.