Semana do Libro
A semana do 18 ao 21 do abril foi moi especial para todos e todas no colexio, xa que realizamos distintas actividades para festexar a Semana do Libro. Achegámonos á lectura escoitando, creando, compartindo e desfrutando!!!!
O martes inauguramos todos xuntos a nosa nova biblioteca escolar.
O mércores festexamos o "Día da Poesía" e os nenos e nenas dos cursos de 1º e 4º de Primaria foron os encargados de recitarlle poesías aos demáis rapaces e rapazas do colexio.
Premendo na imaxe podedes ver o ben que o fixo o alumnado de 1º recitando un poema moi divertido para os pequenos e pequenas do colexio.
O xoves compartimos lecturas xuntos, xa que foi o día no que os maiores "apadriñaban" aos pequenos e pequenas do colexio. Cada madriña e padriño preparou con agarimo e coidado unha lectura para o seu afillado ou afillada, e os pequenos estiveron moi atentos e contentos cando as escoitaban.
E o venres recibimos a visita dos mellores contadores de historias: as nais e pais. Cada grupo recibiu a visita dunha mamá e desfrutou do conto ou historia que tiñan preparadas.
