LIBRE CIRCULACIÓN OS VENRES ÁS ÚLTIMAS 2 HORAS.
Neste curso, comezamos unha nova andadura no noso proxecto de centro cara unha metodoloxía activa onde as nenas e os nenos son os principais protagonistas das súas aprendizaxes.
Cada venres realizamos dúas horas de Libre Circulación, onde o alumnado elixe aquel obradoiro onde quere estar. Os obradoiros son coordinados por todo o profesorado do centro e o alumnado deberá pasar, ó finalizar o trimestre, por todos eles.
Os grupos fórmanse con
alumnado de E.I. e 1º de primaria e por outra banda alumnado de 2º a 6º de
primaria, mesturando as distintas nenas e nenos de todas as idades. En cada
obradoiro ofrécense distintas propostas con distintos niveis de dificultade e
será o alumnado quen elixa a proposta.
Os obradoiros que se propoñen
cada semana, son:
1. Troula que troula: trabállanse as festividades e celebracións:
magosto, samaín, Nadal, entroido, 8 M, Día do Libro, Letras Galegas... Neste
obradoiro faixe uso de material funxible como pinturas, ceras... e ordenadores
para facer as presentacións das festividades en aplicacións como Canva.
2. Lingualario: trabállase a ampliación de vocabulario de forma
manipulativa: dicionario manipulativo, camisolas co debuxo e palabras da
arquitectura, animais, plantas... de Galicia.
3. Art: arte galega a través da pintura.
4. Gastronomía: cociña de receitas de produtos galegos e da horta:
filloas, ensalada, polbo, mexilóns...
5. Folcklore: música galega a través de cancións e instrumentos musicais
como as cunchas, gaitas, pandeiretas...
6. Xogos tradicionais: xogos como a petanca, a busaina, o pincho...
7. Carpintería e marquetería: bancos de madeira para os recunchos de
lectura, percheiros, árbores de Nadal feitos con madeira, hórreos, pazos... Utilización
de madeira para a realización deste obradoiro
8. Entre fíos anda o conto: costura, calceta e punto de cruz.
https://www.instagram.com/p/CyOcbchNdqe/?img_index=1
https://www.instagram.com/p/CzCjIcksu4v/
https://www.instagram.com/p/CyprcCXtKYG/